回來了 - 五個月!!

bb 出世都快五個月了
我也足五個月沒有回來這裏
原因都係沒有時間罷了

在沒有人可以依靠的情況下
那有時間上來
每天都是累得要命
若真有少許私人時間
都睡覺去了

現在的工作實在忙透
每天都把我的精神徹底消耗
傍晚六時許
大腦便失控
眼睛開始示威
幾經辛苦
終於下班了
回到家中整理自己後
便要跟女兒溝通

我常提醒自己
縱使每天多勞累
都一定要給女兒時間
現在唯一的時間
便是下班回家後的兩個小時

在這兩小時裏
一般都是餵bb喝奶
(若來得及回家)
逗她玩
還有抱她入睡

這兩件事聽來很容易
實際非也
尤其前陣子bb有厭奶現象
說起
那時每當到喝奶時間
心中真的會出現恐懼
"一支奶, 又不知要喝多久了!?"

幸好
現在厭奶的情況改善了
可是
又出現另一個問題 -- 扭眼訓

晚上八時半是bb的入睡時間
兩個星期前還是好好的
差不多時間
bb就會入睡
一直睡到天亮
可是現在...

到入睡時間
bb縱使累透
都不願睡覺
可是身體太累的她沒有精神再玩
但心野的她又不願睡覺
結果
我抱著她在豪哭
放在她的床上又哭
總之怎樣都哭
閉上眼睛放聲叫

她那嘹亮的哭聲
把我的耳朵都幾乎震壞了
累透的我
開始火起
但自知她不會明白
最後還是叫自己多點耐性

於是她在挑戰我的耐性
也在挑戰自己身體的極限
終於
她在再沒有一點力氣放哭的時候
睡著了
而我
也總算完成一日的工作
接下來便是自己時間
可是
這時我己累透
躺在床上不足三秒便可入睡

記得電視廣告曾說過
"佢要你俾晒o的時間精神佢"
今時今日我總算體會到了

有時我真的很羡慕別人
她們的奶奶能幫上一定的忙
回望自己的
連開奶換片都不會
真...

在無可選擇的情況下
聘請了工人減輕工作
可是
工人始終是工人
她...還要是十分蠢鈍的一個人
唉....

每天我便是如此勞累地度過
雖然如此辛苦
但自問是幸福的
每當看到bb挨著我熟睡的樣子
所有辛勞都忘了
感覺是非筆墨所能形容的幸福

又每當看見她笑
自己也會由心的笑出來
是的
當中的快樂幸福是自己所獨有的

我最愛bb笑的樣子
張大嘴巴
小眼彎彎的
可愛極了

有時
她又會說bb話說上好幾分鐘
說得七情上面
又一個可愛極了

不知是我錯覺
還是怎樣
我總覺得bb她好像明白我們的話
甚至...

算了吧
時間過得很快
下星期一bb便五個月大了
到六個月大的時候
老公便可教她游泳了

好期待呀!!!

(^ ^)

bb可能比預產期遲o的面世

前幾日睇完私家醫生
照到bb個位仲係好高
醫生話bb可能會比預產期遲面世
聽完醫生o既話
即時有o的擔心
擔心如果bb遲遲唔面世
最終會點呢

打催生針

聽講打催生針會好辛苦
點算呀
本來就己經擔心的我
現家更無奈
雖然我知道
擔心亦無濟於事
但係又點可能唔諗呀
除左諗
唯有每日都叫bb快o的落o的

情緒又出現波動

近日我又發現自己的情緒開始很容易波動
小小的事就會發脾氣
有時甚至發緊脾氣一刻
自知是無理取鬧
或者是小題大造
老公會很難受
我知道
佢有時對住我都唔知點做好
但係我自己真係控制唔倒
個人會好燥
小小事就會睇唔過眼
之後就發脾氣
到發完脾氣
個人先好似舒服o的
但係果刻又會有內疚感
覺得自已對老公好差
發佢脾氣

對唔住呀
老公
我都唔想架
但係我真係控制唔倒呀
(+ +)

bb九個月

二零零八年一月廿日
bb剛好九個月
bb好快就面世啦
呢一刻o既心情真係百感交集
有擔心
有興奮
有憂慮
有緊張
又有期盼
對於bb出世之後o既事
實實在在咁諗多左
但係諗o既唔係乜野教育錢銀之類
反而係問自己
我會唔會係一個好媽媽
我有無能力俾bb一個幸福o既家

或者呢o的問題唔係而家先黎問
但可能bb好快就係實在o既人仔
感覺好唔同
果種真實感
迫切感好強烈
所以同岩岩知道有左bb之後o既感覺好唔同
又或者係受到荷爾蒙影響
自然咁諗左

可能受到自己童年經歷所影響
深切明白到
幸福和諧的家
對於一個小孩子來講
先係最重要的
乜野教育
乜野金錢
都己經係第二層面o既野

bb o既將來就操控係我同老公o既手裏
佢會係一個充滿自信o既bb
定係欠缺信心o既bb
就要睇我地提供一個點樣o既成長環境俾佢
希望我同老公會係一對好o既父母